Presidenti turk, Tayyip Erdogan, zhvilloi një bisedë telefonike me ish-presidentin amerikan Donald Trump, ku diskutuan përpjekjet për paqe në Gaza dhe forcimin e marrëdhënieve dypalëshe.
Sipas Presidencës turke, telefonata u kërkua nga pala amerikane. Erdogan shprehu mbështetjen për çdo iniciativë paqeje në rajon, por theksoi se ndërprerja e sulmeve izraelite është thelbësore për suksesin e këtyre përpjekjeve.
Gjatë bisedës, të dy liderët folën edhe për bashkëpunimin në industrinë e mbrojtjes dhe rëndësinë e forcimit të marrëdhënieve mes dy vendeve. Erdogan konfirmoi se Turqia do të vazhdojë angazhimin diplomatik për stabilitet në Lindjen e Mesme dhe mbështeti vizionin e Trump për paqe globale.
Kujtojmë se Erdogan dhe Trump janë takuar në Shtëpinë e Bardhë muajin e kaluar, një takim që u cilësua si i suksesshëm për përmirësimin e marrëdhënieve mes dy aleatëve të NATO-s.
