Ish-kryetari i Bashkisë së Bukureshtit, Sorin Oprescu, është arrestuar në aeroportin ndërkombëtar të Selanikut, në zbatim të një urdhër-arresti europian të lëshuar nga autoritetet rumune.
74-vjeçari kërkohet për të vuajtur një dënim për disa akuza të rënda, përfshirë pjesëmarrje në organizatë kriminale, marrje ryshfeti dhe pastrim parash.
Oprescu u ndalua nga policia greke në një zonë të jashtme të aeroportit të Selanikut pasditen e së shtunës. Ai ndodhet aktualisht në paraburgim dhe pritet të dalë të hënën përpara Prokurorisë së Apelit të Selanikut, ku do të shqyrtohet kërkesa për ekstradim nga Rumania.
