Një 61-vjeçar me inicialet H.D. ka ndërruar jetë dy ditë më parë në një minierë në fshatin Cerujë, Klos.
Ai është gjetur pa ndjenja nga kolegët në galerinë nr. 5 rreth orës 11:30 dhe më pas ka ndërruar jetë.
Paraprakisht, dyshohet se vdekja ka ardhur si pasojë e një arresti kardiak.
Në trupin e viktimës nuk janë konstatuar shenja të dhunës apo dëmtime nga aksidentet në punë.
Trupi i tij është dërguar në Institutin e Mjekësisë Ligjore për ekspertizë, ndërsa materialet i janë referuar Prokurorisë së Dibrës për veprime të mëtejshme.
