Në emisionin ‘5 Pyetjet nga Babaramo’ në Report TV po diskutohet vrasja tronditëse që ndodhi brenda sallës së gjykatës.
Gazetari Sokol Dema është ndalur te dinamika e ngjarjes së rëndë që tronditi sallën e gjyqit, duke analizuar hap pas hapi zhvillimet dhe përpjekjet për të zbardhur misterin kryesor, si arriti autori të hyjë në ambientet e brendshme të gjykatës me armë dhe të qëllojë drejt gjyqtarit dhe dy personave të tjerë.
“Autori kishte humbur një çështje gjyqësore për pronën, e cila i ishte dhënë palës tjetër – një konflikt që besohet se ka shtyrë drejt këtij akti ekstrem.Aktualisht, po merren në pyetje punonjësit e gjykatës dhe persona të tjerë që ndodheshin në ambientet e brendshme në momentin e ngjarjes. Një nga pikat kyçe që mbetet ende pa përgjigje është nëse skaneri i sigurisë ka qenë funksional apo jo në momentin e hyrjes së autorit. Hetimet po përqendrohen pikërisht në këtë aspekt për të zbuluar nëse ka pasur dështim teknik apo neglizhencë nga ana e stafit të sigurisë”, shprehet Gazetari Dema.
