Dy persona janë arrestuar nga policia në Tiranë pasi u kapën duke u marrë me shitje dhe blerje droge. Ngjarja ndodhi në rrugën “Anton Lufi”, ku u zhvillua një operacion i koduar “Check point”.
Alkido Ahmetaj u kap në momentin që po i shiste kokainë Silvio Xhaferrajt. Ai që po blinte drogën kishte thyer masën “arrest në shtëpi”, që e kishte për një tjetër rast të ngjashëm.
Gjatë kontrollit në banesën e Ahmetajt, policia gjeti sasi kokaine, para që dyshohet se janë nga shitja e saj, një peshore elektronike dhe sende të tjera të paligjshme. Të dy përfunduan në pranga dhe tani po ndiqen nga prokuroria.
