Me vetëm një ditë para përfundimit të afatit të vendosur nga KLP për dorëzimin e platformave për prokurorët që synojnë drejtimin e SPAK, deri tani janë dorëzuar kandidaturat e Klodian Brahos dhe Elvin Gokajt.
Në garë pritet të futen edhe Adnand Xholi, Doloreza Musabelli dhe prokurori Sotir Kllapi.
Afati për dorëzimin e kandidaturave mbyllet më 8 tetor, ndërsa mandati 3-vjeçar i drejtuesit aktual, Arben Dumanit, përfundon më 19 dhjetor. Pasuesi do të zgjidhet me shumicë votash nga Këshilli i Lartë i Prokurorisë.
