Kryeministri Edi Rama pas mbledhjes së qeverisë doli në një komunikim me mediat bashkë me kryetarin e Bashkisë së Nju Jorkut, Eric Adams. Kreu i qeverisë shqiptare tha se Adams erdhi në vendin tonë pas premtimit që kishte bërë më parë dhe objektivi është vendosja e linjës direkte Tiranë-Nju Jork. “Kishte dëshirë të takonte edhe Diellën, zhvillimin e teknologjisë dhe turizmin”- tha Rama.
Eric Adams u shpreh se Tirana dhe Shqipëria me Ramën në krye po ecën në drejtimin e duhur. “Doja të vija këtu të mësoja më shumë për teknologjinë dhe si ky kryeministër ka qenë në gjendje të kujdeset për revolucionin e këtij vendi. Të flasim për turizmin për të siguruar një linjë direkte fluturimi, Tiranë-Nju Jork” tha ai.
