Gazetari i njohur shqiptar, Dritan Shakohoxha, është ndaluar për rreth 3 orë në aeroportin e Beogradit së bashku me kolegë të tjerë nga Shqipëria, pa marrë asnjë shpjegim zyrtar nga autoritetet serbe.
Shakohoxha tregoi për një “situatë absurde”, ku ai dhe disa gazetarë të tjerë ishin futur në një listë të çuditshme dhe u pyetën në mënyrë të përsëritur për arsyen e vizitës në Serbi. Pas kontrollit të gjatë, ata u lejuan të largoheshin.
Ai tha se do të jetë i pranishëm nesër në stadium për ndeshjen e kombëtares, nëse nuk ndodhin përsëri incidente ndaj gazetarëve shqiptarë.
