Ish-sulmuesi i njohur i kombëtares shqiptare, Sokol Kushta, është shprehur optimist për përballjen e sotme mes Shqipërisë dhe Serbisë. Në një intervistë për “Panorama Sport”, Kushta tha se kuqezinjtë kanë cilësinë për të marrë një rezultat pozitiv dhe nuk duhet të ndihen inferiorë.
Sa i përket masave të marra nga Federata Serbe për ndalimin e simboleve kombëtare shqiptare në stadium, ai u shpreh:
“Kur shikojnë flamujt tanë, ata ndihen të kërcënuar, sepse i përballin me të kaluarën e tyre. Simbolet tona i shqetësojnë, por për ne janë pjesë normale e identitetit.”
Kushta, që ka shënuar dikur në Beograd ndaj Partizanit, beson se Shqipëria mund ta përsërisë historinë dhe të dalë me kokën lart edhe në këtë sfidë.
