Të hënën pritet të zhvillohet vizita e shumëpërfolur e presidentit amerikan Donald Trump në Izrael, e cila do të zgjasë rreth katër orë. Sipas mediave izraelite, ai do të mbërrijë në aeroportin Ben Gurion rreth orës 09:20 dhe do të largohet pasdite, në orën 13:00.
Axhenda përfshin një takim me kryeministrin Netanjahu dhe një fjalim të rëndësishëm në parlamentin izraelit në orën 11:00. Gjithashtu, Trump do të takohet me familjet e pengjeve izraelite në sallën Shagal të parlamentit, në një pjesë simbolike të vizitës.
Megjithëse programi nuk është konfirmuar zyrtarisht, pritshmëritë për këtë vizitë janë të larta, si në aspektin diplomatik ashtu edhe në atë mediatik.
