Policia greke është pranë identifikimit të autorit të vrasjes së dyfishtë në një kamping në Finikounda. Sipas zëdhënëses së policisë, kamerat e sigurisë kanë kapur lëvizjet e vrasësit, i cili u largua me skuter pas krimit.
Dyshohet se ai mund të ketë pasur edhe një bashkëpunëtor.
Ndërkohë, mbetet i paqartë motivi i krimit. Hetuesit po analizojnë testamentin e pronarit grek të kampingut “Ammos”, i cili është hartuar tre ditë para ngjarjes dhe ia kalon pasurinë nipit – dëshmitar në vrasje.
Viktima tjetër ishte miku shqiptar i pronarit.
