Në mbledhjen e sotme të Konferencës së Kryetarëve, Partia Demokratike kërkoi heqjen nga programi i punës së Kuvendit të projektligjit për Barazinë Gjinore.
Nënkryetari i PD-së, Luçiano Boçi, argumentoi se ligji prek drejtpërdrejt vlerat tradicionale të familjes shqiptare dhe se miratimi i tij në formën aktuale do të ishte i nxituar dhe i njëanshëm.
Boçi shtoi se është e nevojshme të ketë më shumë kohë për debat dhe konsultime publike, duke përfshirë organizatat e shoqërisë civile dhe komunitetet fetare, të cilat sipas tij shprehin kundërshtim ndaj përmbajtjes aktuale të ligjit.
