Kryetari i Partisë Demokratike, Sali Berisha, feston sot 81-vjetorin e lindjes. Me anë të një postimi në rrjetet sociale, ish-kryeministri ka shprehur mirënjohje për Zotin, familjen dhe të gjithë ata që e kanë mbështetur ndër vite.
“Mirënjohje të pakufishme Zotit të Madh, familjes time, miqve, bashkëpunëtorëve, dashamirësve dhe mbështetësve të betejave të mia që me dashurinë, ndihmën, guximin e përkushtimin e tyre ma bëjnë vjeshtën, stinën kurorë të jetës time,” shkruan Berisha.
Në mesazhin e tij, lideri demokrat thekson se mbështetja që ka marrë ndër vite i jep forcë për të vijuar betejat politike dhe publike.
