Më 17 Tetor në Tiranë do të zhvillohet një protestë për të kërkuar drejtësi për 4 ish-krerët e UÇK-së, Hashim Thaçi, Kadri Veseli, Jakup Krasniqi dhe Rexhep Selimi, që ndodhen në paraburgim në Hagë që prej 2020 të akuzuar për krime lufte. Hysni Gucati, drejtues i Organizatës Veterane të Luftës (OVL) u bëri thirrje qytetarëve që t’i bashkohen protestës.
“Organizimi ynë ka vazhduar që prej tre muajsh. Protesta gjithëkombëtare në Tiranë, jemi një komb, një gjuhë, një flamur. Ne kemi dashur një protestë gjithëkombëtare në Shqipëri. Dua t’iu falenderoj për angazhimin. Protesta ka karakter gjithëkombëtar.
Endrit Thaçi thirrje për pjesëmarrje në protestën e 17 tetorit: Vetëm dy ditë na ndajnë
Ne kërkojmë drejtësi, ajo gjykatë është politike dhe selektive. Ka devijuar nga rruga e drejtësisë. Flitet për një shtëpi të verdhë në Shqipëri, mund të jetë si objekt, por jo si spital. Kosova është prerë në besë nga ndërkombëtaret. Kjo gjykatë ngjason me Rusinë, Kinën, Kubën dhe Korenë. Jo një gjykatë e mirëfilltë evropiane”, theksoi ai.
