Gjatë seancës së sotme parlamentare, deputeti i Partisë Demokratike, Saimir Korreshi, ka komentuar me ironi mungesën e kryeministrit Edi Rama në Kuvend.
Ai e pyeti në mënyrë provokuese se ku ndodhej Rama, duke aluduar se kryeministri mund të ketë nisur një “punë të dytë” si infermier, ashtu siç është përfolur për Presidentin Bajram Begaj.
“Kryeministri ku është, mos ka filluar punë të dytë infermier mbas Bajramit”, deklaroi deputeti demokrat, referuar akuzave se Presidenti Bajram Begaj ishte i punësuar në një klinikë private. “Marr shkas nga fjalimi mallëngjyes i ministrit që na e bëri Skënderbe kryeministrin, por edhe kreut të Grupit të PS-së, kryeministri ku është, mos ka filluar punë të dytë infermier mbas Bajramit, dhe e dyta ti ktheje përgjigje kryeministrit të Kosovës për qëndrimet ndaj gjykatës speciale të Hagës që ka mbajtur se po e pyet ai andej”, tha ai.
