Presidenti amerikan Donald Trump ka njoftuar përmes platformës së tij Truth Social se pas një telefonate “të mirë dhe produktive” me presidentin rus Vladimir Putin, të dy udhëheqësit do të takohen në Budapest, Hungari.
Trump tha se këshilltarë të lartë nga Shtetet e Bashkuara dhe Rusia do të zhvillojnë takime javën e ardhshme, ndërsa ai dhe Putin do të diskutojnë nëse mund të gjejnë një zgjidhje për t’i dhënë fund “luftës së palavdishme” në Ukrainë.
Ky zhvillim vjen në një moment të tensionuar ndërkombëtar dhe hedh dritë mbi mundësinë e dialogut të drejtpërdrejtë midis dy udhëheqësve.
