Segmenti pranë tunelit të Murrizit në Rrugën e Arbrit po shfaq sërish deformime, duke krijuar vështirësi për qarkullimin, veçanërisht për ata që udhëtojnë nga Tirana drejt Dibrës.
Pavarësisht riparimeve të herëpashershme, rruga vijon të pësojë çarje dhe ulje të nivelit të asfaltit.
Specialistët paralajmërojnë se reshjet mund ta përkeqësojnë gjendjen, pasi uji që depërton në çarje mund të dëmtojë më tej rrugën.
Drejtuesit e mjeteve kërkojnë kujdes maksimal në këtë segment, ku rreziku për aksidente shtohet ndjeshëm në ditët me shi.
