Një 23-vjeçar shqiptar, Hekuran Cumani, humbi jetën në një ngjarje të dhunshme në parkingun e Fakultetit të Matematikës në Universitetin e Perugias. Sipas mediave italiane, ai kishte mbërritur nga rajoni i Marche së bashku me një grup miqsh për një mbrëmje në kryeqytetin e Umbrisë.
Pas vizitës në disa bare, grupi përfundoi në lokalit 110 Caffè, përballë vendit ku ndodhi ngjarja fatale. Autoritetet raportojnë se gjatë një përleshjeje jashtë lokalit, Cumani u godit me thikë në qafë, plagë që rezultoi vdekjeprurëse.
Policia po vijon hetimet për identifikimin e autorit dhe zbardhjen e motivit të ngjarjes.