Leart Taullaraj, 42 vjeç, është dënuar nga Gjykata e Latinës në Itali me 6 vite burg dhe 30 mijë euro gjobë.
Ai u kap në mars të vitit të kaluar me 105 kilogramë kokainë të pastër, të fshehur në bagazhin e një “Fiat 500”.
Droga ishte paketuar në 90 pako dhe zhytur në një substancë me aromë mentoli për të shmangur kontrollin.
Arrestimi ndodhi pranë qendrës tregtare “Aprilia 2”, pas sjelljes së dyshimtë të Taullarajt gjatë një ndalese policore.
Hetimet vijojnë për të zbuluar rrjetin kriminal që fshihet pas ngarkesës, i lidhur dyshohet me grupin e Patrizio Fornitit.
