Këshilli i Sigurimit i Kombeve të Bashkuara do të mblidhet nesër në Nju Jork për të shqyrtuar raportin gjashtëmujor të Sekretarit të Përgjithshëm të OKB-së, Antonio Guterres, mbi punën e Misionit të OKB-së në Kosovë (UNMIK), që mbulon periudhën 16 mars – 15 shtator 2025.
Raporti do të prezantohet nga përfaqësuesi i përkohshëm i UNMIK-ut, Milbert Dongjoon Shin, i cili pritet të nënvizojë shqetësimet për mungesën e përparimit në dialogun Kosovë–Serbi dhe ndikimin e zhvillimeve të fundit në terren.
Ndër çështjet e përmendura është mbyllja e disa institucioneve që funksiononin në veri të Kosovës, veprime që janë kritikuar nga Beogradi dhe komentuar nga aktorë ndërkombëtarë. UNMIK ka theksuar rëndësinë e adresimit të çështjeve përmes dialogut të ndërmjetësuar nga BE-ja.
