Kandidati për Bashkinë e Tiranës, Florjan Binaj, zhvilloi një takim me përfaqësues të disa partive opozitare, të cilët shprehën mbështetjen e tyre për kandidaturën e tij.
Në takim morën pjesë emra nga Partia e Lirisë, PDIU, Partia Republikane, Partia Agrare Ambientaliste, Nisma Thurje, “Mundësia” dhe “Shqipëria Bëhet”. I pranishëm ishte edhe Ilir Alimehmeti nga PD, si një nga figurat kyçe në bashkërendimin e opozitës për një kandidaturë të përbashkët.
Të gjitha forcat opozitare të përfaqësuara në takim konfirmuan mbështetjen për Binajn në garën për drejtimin e Bashkisë së Tiranës.
