Policia e Matit arrestoi në flagrancë një 25-vjeçar, identiteti i të cilit është Denis Kuka, pasi gjatë një kontrolli në “Ura e Matit” iu gjet në automjet një armë zjarri gjysmë automatike. Ai po udhëtonte me një automjet tip “Audi”, i cili u sekuestrua bashkë me armën.
Operacioni, i koduar “Bridge”, u organizua nga Komisariati i Policisë Mat, në vijim të punës për goditjen e rasteve të armëmbajtjes pa leje. Informacionet operative çuan në ndalimin e shtetasit dhe sekuestrimin e armës dhe automjetit si prova materiale.
Materialet i janë dorëzuar Prokurorisë së Rrethit Dibër për veprime të mëtejshme ligjore.
