Kryeministri Albin Kurti ka deklaruar se Kosova është e gatshme të ndihmojë Mbretërinë e Bashkuar në përpunimin e migrantëve të cilëve u është refuzuar azili, si pjesë e një plani për krijimin e qendrave të kthimit.
Në një intervistë për Sky News, Kurti tha se kjo është një “detyrë miqësore dhe politike”, ndërsa shtoi se ekziston komunikim i rregullt mes autoriteteve të dy vendeve për të shqyrtuar se si mund të funksionojë një marrëveshje e tillë.
Aktualisht nuk ka një kërkesë zyrtare nga Britania, por një ekip i Ministrisë së Brendshme britanike po shqyrton opsionet për realizimin e kësaj nisme.
