Qyteti i Lezhës është zgjuar sot nën reshje të dendura shiu, të cilat kanë shkaktuar jo pak probleme në qarkullim.
Fluksi i madh i automjeteve, sidomos në hyrje-daljet e qytetit, ka bërë që trafiku të vështirësohet ndjeshëm, e në disa momente madje është paralizuar për disa minuta.
Në terren kanë dalë forcat e policisë rrugore, ato të rendit dhe policia bashkiake për të menaxhuar situatën dhe për të shmangur përkeqësimin e saj.
Ato janë vendosur në disa pika kyçe ku lëvizja është më problematike.
