Prokuroria e Posaçme ka përfunduar hetimet dhe ka dërguar në gjykatë grupin kriminal të përbërë nga Luc Melaj, Gëzim Camaj, Emanuel Melaj, Tonin Melaj dhe Bashkim Çokaj, të akuzuar për kalime të paligjshme kufitare, falsifikim dokumentesh dhe shpërdorim detyre.
Grupi, i drejtuar nga Luc Melaj, organizonte kalimin e paligjshëm të mbi 25 shtetasve shqiptarë drejt SHBA-së, duke siguruar dokumente false dhe transport nga Spanja në Meksikë e më pas në SHBA, për pagesa deri në 45,000 dollarë.
Hetimet zbuluan gjithashtu përfshirjen e punonjësve të policisë në shmangien e regjistrimit të kalimeve kufitare dhe lehtësimin e qëndrimit të paligjshëm në vende të BE-së dhe SHBA.
Procesi gjyqësor pritet të nisë së shpejti.
