Një 37-vjeçar nga Lezha është ndaluar nga Policia Kufitare e Shkodrës pasi tentoi të kalonte në mënyrë të paligjshme kufirin drejt Malit të Zi.
E. K., banues në fshatin Barbullojë e Re, kishte kaluar kufirin e gjelbër pavarësisht se ndaj tij ishte vendosur masa “ndalim i daljes nga shteti” dhe “detyrim për t’u paraqitur” nga Prokuroria e Lezhës.
Policia referoi materialet në Prokurori dhe ka nisur procedimi penal ndaj tij në gjendje të lirë për veprën “kalimi i paligjshëm i kufirit shtetëror”.
