Presidenti amerikan Donald Trump do të zhvillojë javën e ardhshme një takim me homologun kinez Xi Jinping gjatë turit diplomatik në Azi, njoftoi Shtëpia e Bardhë.
Trump do të nisë udhëtimin nga Malajzia drejt Koresë së Jugut, ku pritet të zhvillohet takimi me liderin kinez.
Ndërkohë, një takim i mundshëm me presidentin rus Vladimir Putin nuk përjashtohet, por Trump kërkon që ai të sjellë rezultate konkrete për paqen në Ukrainë.
Shtëpia e Bardhë thekson se presidenti është i zhgënjyer nga mungesa e veprimeve nga Rusia dhe vendosja e sanksioneve të reja mbetet në dorën e tij.
