Në fillim të mandatit të katërt kryeministri Edi Rama ka nisur zbatimin e premtimit të fushatës për ‘paqen fiskale’ me biznesin, por si do të bëhet kjo? Në një aktivitet ditën e sotme, Rama kërkoi që deri në fund të vitit gjithçka të jetë gati.
“Është shumë e rëndësishme që “Paqja Fiskale” të hartohet dhe të përmbyllet me sukses në aspektin konceptual deri në fund të këtij viti në mënyrë që vitin e ardhshëm të fillojmë me zbatimin e saj.
Unë kam shumë besim që nëse “Paqja Fiskale” konceptohet dhe planifikohet ashtu siç duhet, do të jetë një mesazh shumë pozitiv për sipërmarrjen, por besoj do të mund të rrisë edhe të ardhurat për arkën e buxhetit të shtetit, ndërkohë që pika kyçe mbetet rritja e performancës në tërësi dhe ulja e informalitetit” tha ai.
