Kryetari i Partisë Mundësia, Agron Shehaj, i bëri thirrje kryeministrit Edi Rama të japë dorëheqjen, pas thirrjes së zëvendëses së tij, Belinda Ballukut, në SPAK. Shehaj reagoi ndaj deklaratës së Ramës se “drejtësia ka punën e vet”, duke e quajtur situatën të papranueshme.
Në një video-mesazh në rrjetet sociale, Shehaj u shpreh:
“Sa veta duhet të të arrestojnë ty që të mbash përgjegjësi? Bëhu burrë, mbaj përgjegjësi dhe jep dorëheqjen!”
Ai kujtoi gjithashtu se para Ballukut, drejtësia kishte tentuar të arrestonte Arben Ahmetajn, ndërsa tashmë është arrestuar Erion Veliaj. Shehaj e konsideron këtë një moment përgjegjësie politike për kryeministrin.
