Sulmuesi i ri i Interit, Francesco Pio Esposito, ka qenë objekt i interesit të Napolit gjatë verës, por drejtuesit e Interit nuk kanë pranuar asnjë ofertë, duke e konsideruar atë pjesë thelbësore të skuadrës së tyre për të tashmen dhe të ardhmen.
I lindur në vitin 2005, Esposito doli në pah me paraqitjet e tij në Serie B me Specian, ku ndihmoi ekipin të renditej i treti dhe shënoi 14 gola.
Në maj të këtij viti, ai rinovoi kontratën me Interin deri në vitin 2030, me një pagë prej 1 milion euro në vit.
Klubi zikaltër ka vendosur të vazhdojë zhvillimin e talentit të tij, duke treguar se lojtarët e rinj me potencial të madh nuk largohen lehtë nga Interi.
