Sot skadon afati i Albin Kurtit për të siguruar numrat për të formuar qeverinë e re. Seanca e Kuvendit të Kosovës ka nisur.
Kryetari i LDK-së Lumir Abdixhiku para seancës ka deklaruar se tani është mundësia për të parë të vërtetën para popullit.
Sipas tij, të gjitha gjasat sugjerojnë se do të shkojmë drejt zgjedhjeve të jashtëzakonshme.
“Sot mandatari duhet të prezantoj shumicën që është thelbi i demokracisë.
Për të formuar këtë shumicë një njeri që fiton zgjedhjet ose del i pari do të duhej të bënte përpjekje me çdo parti politike për të bërë një shumicë, e jo ta linte në ditën e fundit, Ditën e fundit është shou populist.
Deputetët e LDK-së janë të lirë të votojnë siç mendojnë por deri më tani kanë deklaruar se pa marrëveshje politike s’ka kuptim të jetë shumica”, tha Abdixhiku.
