Kryetari i Vetëvendosjes, Albin Kurti shpalosi sot programin por edhe emrat e kabinetit që dështoi të marrë miratimin e Kuvendit. Më shumë se dështimi që pritej, vëmendjen e tërhoqi lista me ministrat e rinj dhe përjashtimet nga kabineti aktual në detyrë.
Së pari duke filluar nga Dimal Basha që nëse do të ishte votuar kabineti do të duhet të linte postin e kryetarit të Kuvendit. Më tej Besnik Bislimi, Arbëria Nagavci e Rozeta Hajdari u lanë jashtë kabinetit të ardhshëm.
Besnik Bislimi, zëvendëskryeministër i parë u përjashtua nga lista duke u zëvendësuar nga Glauk Konjufca, i cili gjithashtu u propozua edhe për pozitën e ministrit të Punëve të Jashtme dhe Diasporës.
Arbërie Nagavci, ish-ministre e Arsimit, Shkencës dhe Teknologjisë, gjithashtu nuk u rikthye në propozimin e Kurtit për kabinetin e ri, ku në vend të saj u propozua Avni Zogiani, i cili aktualisht është zëvëndësministër në detyrë Infrastrukturës dhe Ambientit.
Po ashtu, ministrja në detyrë e Industrisë, Ndërmarrësisë dhe Tregtisë, Rozeta Hajdari nuk u përfshi në propozim e Kurtit, ku për këtë pozitë që përbën edhe atë për Integrime Evropiane u nominua Mimoza Kusari-Lila, ish-shefe e Grupit Parlamentar të Vetëvendosjes.
LIVE-Albin Kurti prezanton kabinetin qeveritar (Lista e plotë)
Kurti prezanton kabinetin qeveritar
Zëvëndëskryeministër i parë dhe ministër i Punëve të Jashtme dhe Diasporës – Glauk Konjufca
Zëvendëskryeministre e dytë dhe ministre e Drejtësisë – Donika Gërvalla
Zëvëndëskryeministër i tretë për Cështje të Pakicave dhe Bashkëpunim Ekonomik – Fikrim Damka
Ministër i Financave dhe Ekonomisë – Hekuran Murati
Ministër për Familje dhe Mirëqenie Sociale – Andin Hoti
Ministër i Mbrojtjes – Ejup Maqedonci
Ministër i Puënve të Brendshme – Xhelal Svecla
Ministër i Shëndetësisë – Arben Vitija
Ministër i Arsimit dhe Shkencës – Avni Zogjani
Ministër i Kulturës dhe Turizmit – Avni Spahiuj
Ministër i Sportit dhe RInisë – Blerim Gashani
Ministër i Administrimit të Pushtetit Lokal – Rasim Demiri
Ministre e Mjedisit dhe Planifikimit Hapësinor – Fitore Pacolii
Ministër i Bujqësisë, Pylltarisë dhe Zhvillimit Rural – Armend Muja
Ministër i Infrastrukturës dhe Transportit – Dimal Basha
Ministër i Tregtisë, Industrisë dhe Integrimeve Evropiane – Mimoza Kusari
Ministre e Energjisë dhe Minierave – Artane Rivzanolli
Ministër për Komunitete dhe Kthim – Nenad Rashiq
Ministër për Zhvillim Rajonal – Sejnur Veshaj
