Kreu i SPAK, Altin Dumani, u pyet sot në Kuvend për hetimet ndaj zv.kryeministres Belinda Balluku dhe siguroi se prokurori Dritan Prençi ka mbështetjen e tij të plotë.
“Nuk kam për të dhënë asnjë koment. Prokurori Prençi dhe të gjithë kanë mbështetjen time si drejtuesi. Jam në komunikim të përhershëm dhe deri këtë çast nuk më ka paraqitur ndonjë shqetësim.
Ka solidaritet në çdo çështje që ka në ndjekje. Jo vetëm Prençi, por të gjithë prokurorët. Jam munduar të krijoj një ambient ku prokurorët janë të lirë të ushtrojnë ndjekjen penale. Patjetër, të gjithë i kam mbështetur dhe do t’i mbështes deri në ditën e fundit që do jem në krye të SPAK.”
