Vonë pasdite, Hamasi njoftoi se do të dorëzojë trupin e një pengu në orën 21:00 të së hënës, pas koordinimit me Kryqin e Kuq. Nuk janë dhënë detaje mbi identitetin e viktimës.
Izraeli ishte përgatitur për kthimin e trupit, pasi gjatë fundjavës kishte pritur një zhvillim të ngjashëm që nuk ndodhi. Aktualisht, trupat e 13 pengjeve vazhdojnë të mbahen në Rripin e Gazës.
Hamasi pretendon se nuk ka mundur t’i gjejë disa nga trupat, ndërsa Izraeli beson se grupi militant e di vendndodhjen e tyre. Një zyrtar izraelit theksoi se “durimi i Izraelit ka kufij” dhe paralajmëroi se mund të merren masa nëse dorëzimet nuk ndodhin së shpejti.
