Damian Gjiknuri, bashkëkryetar i Komisionit të Reformës Zgjedhore, ka theksuar rëndësinë e krijimit të një ligji të ri për financimin e partive politike, i cili do të sigurojë transparencë dhe balancë mes partive të ndryshme.
Gjatë një tryeze të zhvilluar për këtë çështje, ai shpjegoi disa nga qëllimet dhe përparësitë e këtij ligji të ri.
“Ndërtimi i një ligji me parametrat që kërkon koha është objektiv i rëndësishëm i joni. Ky ligj do të ndihmojë në krijimin e një balance mes partive politike, duke siguruar që të mos kthehet në një barrë për partitë e vogla. Duhet të kemi një ligj që tregon transparencë, kontroll dhe auditim të pavarur, dhe që parandalon financimet nga burime të paligjshme, qoftë nga krimi, fuqitë e huaja apo interesa të dyshimta,” u shpreh Gjiknuri.
