Kryeministri izraelit, Benjamin Netanyahu, ka urdhëruar ushtrinë të kryejë sulme të fuqishme në Rripin e Gazës, pas akuzave ndaj Hamasit për shkelje të armëpushimit të ndërmjetësuar nga Shtetet e Bashkuara.
Pak minuta më vonë, Hamasi njoftoi se do të vononte dorëzimin e trupit të një pengu tjetër, duke e akuzuar Izraelin për shkelje të armëpushimit. Armëpushimi midis Izraelit dhe Hamasit hyri në fuqi më 10 tetor, por të dyja palët kanë raportuar shkelje reciproke, duke përfshirë shkëmbime zjarri në qytetin jugor të Gazës, Rafah.
Zyra e Netanyahut deklaroi se sulmet do të jenë “të fuqishme”, pa dhënë hollësi të tjera. Hamasi paralajmëroi se çdo përshkallëzim nga Izraeli mund të pengojë kërkimin dhe rikuperimin e trupave të pengjeve.
