Prokuroria e Posaçme (SPAK) ka dërguar për gjykim shtetasit Musa Gjikola, Klodjan Muça, Sokol Masha, Erjon Dani, Emiljano (alias Millan) Roçi dhe Vilson Roçi, të akuzuar për ndikim të paligjshëm dhe shpërdorim detyre.
Sipas hetimeve, gjatë vitit 2020 ata kanë kërkuar dhe përfituar shuma nga 4 000 deri në 7 500 euro, duke pretenduar se mund të ndërhynin tek funksionarë të drejtësisë për të ndikuar në masa sigurie dhe vendime gjyqësore.
SPAK njofton se Erjon Dani, në atë kohë zëvendësshef komisariati në Tiranë, ka shpërdoruar detyrën duke shpërndarë të dhëna nga sistemi TIMS.
Komunikimet mes të pandehurve janë zhvilluar përmes platformës së enkriptuar “Sky ECC”, në bashkëpunim me autoritetet franceze.
