Arrestohet Filip Shehu 41 vjeç i akuzuar për vrasjen e kuzhinierit Indrit Ismaillari 34 vjeç mbrëmjen e djeshme në Tiranë. Ngjarja ndodhi në zonën e Komunës së Parisit.
Picieri dyshohet se kishte pasur konflikte prej kohësh me personin që vrau. Të dy punonin në të njëjtin lokal. Gjendet dhe sekuestrohet thika me të cilën dyshohet se u krye krimi.
Nga verifikimet e mëtejshme rezultoi se autori i dyshuar i vrasjes, Filip Shehu ishte i dënuar më parë, për veprën penale “Prodhimi, mbajtja, blerja apo shitja pa leje e armëve të ftohta”. Materialet procedurale iu referuan Prokurorisë së Tiranës, për veprime të mëtejshme.
