Në një intervistë ekskluzive për revistën e njohur botërore të arkitekturës “Dezeen”, kryeministri i Shqipërisë, Edi Rama, ka folur për pasionin e tij ndaj arkitekturës dhe rolin që ajo luan në zhvillimin e vendit.
Ai e konsideron arkitekturën jo thjesht një disiplinë estetike, por një mjet për të ndryshuar jetën dhe shoqërinë:
“Unë besoj shumë te arkitektura dhe te fuqia e saj për të ndikuar në mënyrën se si jetojmë. Për një vend si Shqipëria, arkitektura e mirë është një prani frymëzuese, është një burim energjie shtesë për shoqërinë dhe për mënyrën se si e parashikojmë të ardhmen tonë. Kur zhvillojmë qytetet tona, nuk duam arkitekturë gjenerike që mund të jetë kudo në botë; duam ndërtesa që lidhen me historinë dhe identitetin tonë, që i përkasin Shqipërisë dhe botës njëkohësisht. Tirana nuk është Dubai i ri – është Tirana. Duam histori dashurie midis arkitektëve dhe vendit tonë, ndërtesa që nuk mund t’i imagjinoni në Romë apo Paris,” – tha Rama.
