Roma ka marrë një fitore të rëndësishme në “Olimpico”, duke mundur Parmën me rezultatin 2-1. Pas një pjese të parë pa gola, Hermoso zhbllokoi ndeshjen në minutën e 63-të, ndërsa Dovbyk dyfishoi avantazhin në minutën e 81-të.
Parma arriti të ngushtonte diferencën me Circatin, por nuk mundi të shmangte humbjen.
Në një tjetër sfidë të Serisë A, Juventusi triumfoi me rezultatin 3-1 ndaj Udineses. Golat për bardhezinjtë u shënuan nga Vlahovic, Gatti dhe Yildiz, ndërsa për Udinesen realizoi Zaniolo.
Dy fitore që mbajnë gjallë garën në krye të tabelës për Romën dhe Juven, në pritje të sfidave të radhës të kampionatit italian.
