Deputeti Damian Gjiknuri u shpreh sot në Kuvend gjatë debatit mbi kërkesën e PD-së për shkarkimin e kryetarit Niko Peleshi.
Ai hodhi poshtë akuzat e opozitës dhe theksoi se Peleshi ka vepruar brenda kompetencave të tij.
“Peleshi ka pasur një pozicion shumë të vështirë, pasi kaosi mbizotëronte në Kuvend, por ai ka ndërprerë seancën kur ishte e nevojshme. Nuk mund t’i atribuohet asnjë shkelje kushtetuese, sepse ai ka mbrojtur rendin kushtetues dhe ka siguruar që Kuvendi të vazhdojë të funksionojë normalisht. Po ashtu, ka qenë i kujdesshëm në përfshirjen e të gjithë deputetëve në debat, duke treguar një qetësi dhe përgjegjshmëri të jashtëzakonshme në menaxhimin e situatës,” tha Gjiknuri.
