Kryeministri Edi Rama u shpreh në Forumin e Paqes në Paris mbi rëndësinë e bashkëpunimit rajonal dhe lirinë e lëvizjes për qytetarët e Ballkanit Perëndimor, duke theksuar rolin e Shqipërisë në promovimin e paqes dhe stabilitetit. Ai foli gjithashtu për çështjen e Kosovës dhe marrëdhëniet me Serbinë.
“Ne jemi të patundur në bindjen tonë që jo vetëm paqja është më mirë se gjithçka tjetër, por sa më i lumtur komshiu, aq më e lumtur është edhe shtëpia. Kosova është një problem sepse për Serbinë nuk është një shtet, ndërsa për shumicën e vendeve të BE-së është. Alternativa jonë është të punojmë që qytetarët tanë të kenë lirinë e lëvizjes dhe të promovojmë bashkëpunimin rajonal, që është rruga e vetme për ne që duam të bëhemi pjesë e BE-së,” tha Rama.
