I ftuar në emisionin “5 Pyetjet”, ish-prokurori Eugen Beci komentoi paraqitjen në SPAK të ministres Belinda Balluku dhe mënyrën se si mund të vijojë procedura ndaj saj, duke folur për masat e sigurimit dhe rolin e prokurorisë në ruajtjen e efektit ligjor.
“Masa e sigurimit merret për të ruajtur një efekt ligjor. Nëse unë kryej një vepër penale dhe them se jam jashtë shtetit ose jam në konferencë, prokuroria mund të marrë masa, si p.sh. bllokimin e pasaportës. Ne nuk mund të dimë paraprakisht se cila do të jetë masa e sigurimit. Arresti me burg është konsideruar si masa e fundit që duhet të përdoret, ndërsa masat e tjera janë të rregullta dhe të parashikuara nga rregullat e prokurorisë. Në rast se funksionari nuk jep dorëheqje, këtu hyn në lojë edhe masa kushtetuese,” shprehet Beci.
