Qyteti i Fushë-Krujës dhe disa fshatra përreth kanë mbetur pa energji elektrike për më shumë se tetë orë, duke lënë rreth 30 mijë banorë në errësirë.
Sipas Operatori të Sistemit të Transmetimit (OST), ndërprerja filloi për shkak të një avarie në nënstacionin e ri elektrik dhe furnizimi pritej të rikthehej rreth orës 15:00.
Megjithatë, energjia ende nuk është rivendosur. Burime lokale bëjnë me dije se vonesa lidhet me defekte në kabinat elektrike të OSHEE-së, të cilat janë dëmtuar nga lagështia pas reshjeve të fundit.
