Kreu i Komisionit Qendror të Zgjedhjeve, Ilirjan Celibashi, deklaroi se është ende herët për të bërë një vlerësim mbi shpenzimet e deklaruara nga partitë gjatë fushatës zgjedhore.
Ai theksoi se KQZ do të kryejë një analizë dhe auditim të plotë për të verifikuar mënyrën e përdorimit të fondeve dhe burimet e financimit të partive politike.
Në lidhje me zgjedhjet e pezulluara në Tiranë, Celibashi nënvizoi se ende nuk është përcaktuar një datë për zhvillimin e tyre, ndërsa konfirmoi se më 9 nëntor do të mbahen zgjedhje në pesë bashki të tjera.
“Është ende herët për të komentuar mbi shpenzimet e partive në fushatë. Do të bëjmë auditim për të parë mënyrën e shpenzimit dhe financimin e tyre. Nuk e di as unë, askush nuk e di se kur do të mbahen zgjedhjet në Tiranë,” tha Celibashi.
