Kryeministri Edi Rama zhvilloi një takim me deputetët e Partisë Socialiste në selinë e PS-së, ku kërkoi rienergjizimin e strukturave dhe forcimin e komunikimit me bazën.
Rama u bëri thirrje deputetëve që të vijojnë takimet me qytetarët dhe të jenë gati për zgjedhje në çdo moment.
Në mbledhje morën pjesë deputetët e Qarkut të Tiranës dhe ekipi i fushatës për Ogerta Manastirliun.
Takimi vjen pak ditë pas vendimit të Gjykatës Kushtetuese që riktheu në detyrë Erion Veliajn, duke pezulluar përkohësisht zgjedhjet për Bashkinë e Tiranës.
“Shpjegoni strukturave dhe qytetarëve buxhetin e 2026 dhe se çfarë përfitimi do të ketë për ta, që nga pensionet, paga minimale apo në sektorë të tjerë që i prek ata drejtëpërdrejtë”, mësohet të jetë një nga detyrat e tjera që Rama ka caktuar për të tijtë.
