Partia Demokratike e Kosovës (PDK) ka zhvilluar mbledhjen e Kryesisë, ku është diskutuar situata politike pas raundit të parë të zgjedhjeve lokale dhe pasojat e mundshme të dhënies së mandatit Lëvizjes Vetëvendosje për formimin e qeverisë.
Në komunikatën e lëshuar pas takimit, PDK ka theksuar se zgjidhja më e mirë për tejkalimin e ngërçit politik janë zgjedhjet e parakohshme.
“Askush nuk e ka shumicën për ta formuar qeverinë nga kjo legjislaturë. Mbajtja e zgjedhjeve të parakohshme është zgjidhja e vetme për t’iu kthyer qytetarëve të drejtën për të vendosur drejtimin e ardhshëm të vendit”, u shpreh PDK në njoftim.
