Policia e Vlorës, në bashkëpunim me Prokurorinë e Sarandës, ka identifikuar dhe sekuestruar pasuri me vlerë rreth 12 milionë euro, që dyshohet se janë përfituar nga aktivitet kriminal, në emër të Kristi Qirici alias Jetmir Hoxha, 43 vjeç, dhe Adriatik Kalemi, 53 vjeç, të dy me precedentë penalë.
Në kuadër të hetimeve, Gjykata e Sarandës ka vendosur sekuestro preventive mbi hotele, lokale, apartamente, truall, pasuri të luajtshme si automjete dhe mjet lundrues, si dhe mbi 12 llogari bankare të tyre.
Hetimet vijojnë për identifikimin e pasurive të tjera që mund t’i përkasin këtyre personave ose familjarëve të tyre.
