Një aksident i rëndë rrugor ka ndodhur mbrëmjen e sotme në aksin Peqin – Rrogozhinë, në fshatin Sinaballaj, ku një 82-vjeçare ka humbur jetën pasi është goditur nga një automjet.
Sipas të dhënave paraprake nga policia, ngjarja ka ndodhur rreth orës 19:00, kur drejtuesi i mjetit, D. K., 58 vjeç, banues në Kavajë, dyshohet se ka humbur kontrollin mbi automjetin dhe për pasojë ka përplasur këmbësoren M. K., e cila ka ndërruar jetë në vendngjarje.
Në zonë ka mbërritur grupi hetimor, i cili po punon për të sqaruar shkaqet dhe rrethanat e plota të aksidentit tragjik.
