Komisioni Qendror i Zgjedhjeve (KQZ) njoftoi se deri në ora 17:00, mbi 27% e votuesve kanë marrë pjesë në balotazhin për zgjedhjet lokale në 18 komuna të Kosovës, bazuar në raportimin e 93% të qendrave.
Dalja është më e ulët krahasuar me rundin e parë më 12 tetor, tha kreu i KQZ-së, Kreshnik Radoniqi.
Ai theksoi se votimi me asistencë për personat me aftësi të kufizuara është i garantuar, por nuk duhet të abuzohet.
Radoniqi sqaroi gjithashtu se personat që nuk dinë shkrim-lexim mund të udhëzohen, por nuk mund të marrin ndihmë brenda kabinës së votimit.
Partitë politike po nxisin qytetarët të shfrytëzojnë orët e mbetura për të votuar.
Sekretarja e përgjithshme e PDK-së, Vlora Çitaku, deklaroi se “Çdo votë është një vendim për të ardhmen dhe sot është dita që përcakton katër vjet”, ndërsa Lëvizja Vetëvendosje theksoi rëndësinë e çdo vote për demokracinë.
